مدخل :إتاخرت فى التعليق على موضوع التعديلات الدستورية لحد الصورة ماتوضح شوية
أولاً كده التعديلات الدستورية دى بغض النظر عن تقيمها فهى ماتمسش المواطن العادى ولا تحل مشاكله المزمنة:تدهور مستوى المعيشة-البطالة-الفقر-أزمة الإسكان يعنى لحد دلوقت وبعد أكتر من 100 يوم من إعادة (إنتخاب )الريس ماحدش عرف البرنامج الإنتخابى بتاعه اللى كان لؤى عمال يغنيه فى التلفزيون لو فاكرين حيبقى واقع إزاى بإختصار الريس كان بيغنى علينا
وبإختصار كده الإشراف القضائى عالإنتخابات كل عام وأنتم بخير بح
مفيش دولة مدنية طبعاً والرئيس طول ماهو مسيطر عالجيش والشرطة والمخابرات فلو قعد البرلمان من غير مايتحل فى وقت الخطر عالأمن القومى يبقى زى ماهى مفيش تغيير ومفيش مشاكل لو البرلمان بقى يقدر يسحب الثقة من الحكومة لأن الرئيس برضة يقدر يعين رئيس الوزراء
ده كدة بإختصار بس الى بتابع التعديلات الدستورية وبعدها بشوبة الحملة الشرسة عالإخوان حيعرف ببساطة إن النظام السياسى داخل على مرحلة تعديل على مقاس ضغوط خارجية مظهر ليبرالى مع تدجين الجماعات الدينية وأحزاب نخبوية عمرها ماحتفهم مطالب الناس العاديين وحيبقى كل هم أحزاب النخبة دعم الحصول على دعم رجال الأعمال واللى بيدعمهم من شركات وكيانات إقتصادية دولية بإختصار النمذج الأوكرانى إتطبق فى مصر ولكن بهدوء شديد.