غريب أمر هذه البلد (قال فبها المقريزى:وهى لمن غلب)إن من يجلس على قمة هرم السلطة فإنة يمسك بزمام الأمور فيها دون أى منازع على الإطلاق فبعد الإهمال الذى تعرض له البرنامج النووى المصرى منذ عهد السادات إنطلق الجميع يتحدثون ويهللون للبرتامج النووى المصرى ليه؟؟ لأن البيه الصغير(جمال مبارك) إبن الباشا(مبارك الكبير)إبن صاحب العزبة(مصر)فكر يصوت عالى شوية فى المؤتمر الرابع للحزب الوطنى فى موضوع إحياء البرنامج النووى المصرى.ونفس الكلام ينطبق على تعديل المادة 76 وبعدين إعادة تعديل المادة 76 تانى
الخلاصة إن الرئيس واللى حواليه هما بس اللى عندهم المبادرة لأى شىء فى المحروسة سواء تغيير سياسى شكلى أو أى شىء تانى ونفضها سيرة من حكاية الأحزاب والمجتمع المدنى والكلام ده لأن لا الأحزاب ولا حتى الأخوان المسلمين يقدروا يغيروا قواعد اللعبة اللى من وضع النظام الحاكم ولا يوجد حل قدام القوى التقدمية إلا أن يكون عندها الجرأة لتحمل المخاطرة لتغيير قواعد اللعبة أو إنهاء اللعبة كلها